Broken heart true love story

Main ek din apni ek dost se facebook par bat kar rahi thi. Baton baton men usne mujhe bataya ki uska ek dost hai jise vo chahti hai. Maine kaha ki tum uski pic dikhao to usne mujhe uski foto dikhayi. Mujhe vo bahut handsome laga aur pahli hi najar mein mere man ko bha gaya. Maine bhi uske dost ko friend request di jo uske dost ne accept kar li. Bas, ye samajhiye ki ye love story of a broken heart yahin se shuru hui.

Maine ek din apni friend ko aise hi kah diya ki yar ki ye ladka to mujhe bhi bahut achchha laga. Mere aisa kahte hi vo chidh gayi aur naraj ho gayee. Fir kuchh din bad jab use pata chal ki ham achche facebook friend ban gaye hain to vo mujh par bahut naraj hui. Usne kaha ki main uske dost ko use churana chahti hun. Maine lakh kaha ki ham to sirf dost hain lekin usko yakin nahin aaya.

Lekin ek ladka aur ladki agar bahut samay sath sath bitayen to bahut dinon tak sirf dost ya Just friends nahin rah sakte. Aisa hi hua mere aur us ladke ke sath bhi. Main use thoda thoda pasand karne lagi aur vo bhi mujhe like karne laga tha.

Use bhi bura laga ki uski vajah se do friends, do ladkiyan aapas mein naraj ho gayi hain par kar to vo bhi kuchh nahi sakta tha. Dheere dheere aisa hua ki main aur meri saheli ne aapas men baat bhi karna band kar diya. Ek din maine socha ki aakhir main apne bachpan ki saheli, apni fast friend se ek ladke ke liye kyun alag ho rahi hun. Mujhe bura laga.

Jab maine us ladke se ye bat batayi ki use dosti ki vajah se ham dono saheliyon mein ladai ho gayi hai to usne badi samajhdari se javab diya – main itna important nahi hun ki meri vajah se tum dono aapas mein lado ya dosti tod to. Lekin uski ye sadgi mere dil ko aur bhi jyada chhoo gayi.

Ab to ham vakai bahut kareeb aa gaye. Ham rat ko 12-12 baje tak chat karte rahte. Mere messages ko dekh kar vo achchhi tarah se jan gaya tha ki ab main use pyaar karne lagi hun. Mera bas chalta to main uske pas jaakar hi baten karti lekin hamare ghar bahut door the.

Is samay tak main jan gayi thi ki ab vahi mere man men samaya hua hua tha. Usne bhi ek din kah hi diya ki vo mujhse bahut pyaar karta hai aur kabhi bhi mera dil nahi todega.

Ab mere bas men apne man ko rokna nahi tha. Main sote jagte, school, ghar, bajar, har jagah bas uske bare mein hi sochati rahti thi. Ham aksar phone par baten karte rahte the. Aise hi kai hafte beet gaye.

Ab ham itni baten karte the ki bahut dino tak , balki hafton tak maine kabhi facebook par use chat nahi ki. Lekin ek din jab maine facebook pe uski profile dekhi to main sann rah gayi. Usne ek ladki ke bare mein tag kiya hua thi vo uski girl friend thi. Main vo sab padhti rahi jo usne apni gril friend ke bare mein likha tha aur roti rahi.

Mera dil itna toot gaya tha ki mujhe laga ki ab main kabhi normal nahin ho paaoongi. Mujhe lagta ki ab main kabhi kisi se pyaar to kya ek simple si relationship bhi nahi rakh paaongi. Main sabse bachti firti aur akeli rahti. Mere friends bhi mujhe ajeeb samajahne lage.

Mujhe uski yad aani kabhi band nahi hui kyunki mujhe aise lagta ki vo mere liye perfect tha. Jaise mere liye hi bana ho.  Main use kabhi mili to nahi thi lekin uski baten itni pyari, itni decent aur nice thi ki mujhe uski hi yad aati rahti. Main kabhi samajh hi nahin payi ki usne kab aur kaise meera sath chhod kar kisi aur ko apni girl friend bana liya.

Bahut din bad, yani ki kareeb 3 sal bad ab main samajh payi hun ki facebook pe achchhi baten karne se pyaar nahi hota. Uske liye sath vaqt bita kar ek dusre ko samajhna bahut jaroori hai.
------------------------------------------------------------------

Very Sad Love Story In Hindi For Broken Heart

Raat Bhar Shrab Pee Kar Uski Yaado Ko Bhula Raha Tha…
Ab Na Aayegi Laut Kar Ye Baat Dil Ko Smjha Raha Tha…

Dekhte Dekhte Mai Nashe Me Gum Ho Gya…
Pata Hi Na Chla Uske Khyalo Me Kho Kar Kab So Gya…

Sapne Me Dekha To Wo Mere Pas Khadi Thi…
Uski Aankho Se Bah Rahi Ashko Ki Ladi Thi…

Kahne Lagi Maine Tumhe Chhod Kar Pachhta Rahi Hu…
Magar Fikar Na Karo Mai Tumhe Apne Pas Bula Rahi Hu…

Ankhe Kholo Aur Dekho Kitne Log Aaye Hai…
Sabne Tumhare Liye Ankho Me Aansu Sjaye Hai…

Aaj Itihas Badal Raha Hai…
Smaj Ladki Ki Jagah Ladke Ko Vida Kar Raha Hai…

Dekha To Sach Me Meri Lash Arthi Pe Padi Thi…
Meri Maa Use Dekh Paglo Ki Tarah Ro Rahi Thi…

Baba To Mano Bejan Se Hogye The…
Apni Lash Ko Dekh Sare Arman Na Jane Kaha Khogye The….

Sab Logo Ne Hatho Se Nahlaya Mujhe…
Safed Chamchmata Kafan Panaya Mujhe…

Fir Meri Barat Lekar Rote Huye Shamshan Ki Aur Chal Diye…
Mere Armano Ke Sath Mere Jism Ko Bhi Jala Diya…

Jab Jala Mera Jisam To Aankh Fat Se Khul Gyi….
Uth Ke Dekha To Sapna Tha Ye Soch Dil Ki Kali Khil Gyi…

Ek Sapne Ne Sikha Diya Ke Zindagi Kitni Kimti Hai…
Isme Maa Baap Dost Bhai Ka Bhi Hak Hai Bas Ye Mashooq Ke Hi Ird Gird Nhi Simti Hai…

Usi Din Se Botal Ko Tauba Kar Ke Mai Jeena Seekh Gya…
Dard To Ab Bhi Hota Hai Magar Mai Dard Peena Seekh Gya…

------------------------------------------------------------------